Ekrem Hyseni: Gratë kanë rol jetik në ndërtimin e Republikës sonë

Kandidati për kryetar të Podujevës, Ekrem Hyseni, ka theksuar rëndësinë e rolit të gruas në shoqërinë kosovare, duke thënë se ato kanë qenë pjesë thelbësore në të gjitha fazat e ndërtimit të Republikës.

“Roli i gruas në shoqërinë tonë ka qenë jetik, në të gjitha fazat e ndërtimit të Republikës sonë. Ato, përveçse kanë dhënë kontribut të çmuar për familjen dhe për shoqërinë, kanë dëshmuar se kanë vizion të qartë për të sotmen e të ardhmen”, ka deklaruar Hyseni.

Ai është zotuar se si kryetar i Podujevës do të angazhohet fuqishëm për krijimin e mundësive të reja për gratë dhe për trajtimin e tyre të barabartë.

“Zotohem se do të trajtohen barabartë dhe se do ta kenë vendin që e meritojnë! Vetëm kështu mund ta bëjmë ndryshimin e zhvillimin e Podujevës sonë!”, ka shtuar ai.