Gresa Qosa Maqastena: Arsimi dhe qytetarët në qendër të vizionit për Podujevën

Kandidatja për Asamblenë Komunale të Podujevës, Gresa Qosa Maqastena, ka shpallur zyrtarisht kandidaturën e saj duke theksuar se prioritet i saj kryesor do të jetë arsimi dhe zhvillimi i komunës me vendime transparente e në shërbim të qytetarëve.

“Jam rritur në një familje që ka dhënë shumë për arsimin dhe sot me krenari e vazhdoj këtë rrugë si mësimdhënëse në vendlindjen time. Arsimi nuk është vetëm profesion, por mision për ta çuar përpara vendin tonë,” tha Qosa Maqastena.

Ajo shtoi se synon ta çojë zërin e arsimit dhe të qytetarëve në Asamblenë Komunale, aty ku merren vendime të rëndësishme për të ardhmen e Podujevës.

“Vizioni im është i qartë: arsimi si prioritet, zhvillimi i komunës në çdo fushë me dinjitet dhe përkushtim për secilin qytetar,” theksoi kandidatja.

Qytetarët e Podujevës i ka ftuar që më 12 tetor t’i japin besimin me votë, duke shtuar se me përkrahjen e tyre Podujeva mund të ecë përpara me drejtësi e dinjitet.

👉 Kandidatët: Dr. Ekrem Hyseni 113 dhe Gresa Qosa Maqastena 15.