Përkrahësi i VV-së indirekt kritikon Shpejtim Bulliqin dhe qeverisjen e tij

Në prag të zgjedhjeve lokale, përkrahësi i Vetëvendosjes, Mentor Llugaliu, ka publikuar një postim kritik ku, pa e përmendur direkt, sulmon kryetarin aktual të një komune, Shpejtim Bulliqin.

Sipas Llugaliut, Vetëvendosje, që dikur shihej si shpresa për qeverisje të mirë e pa korrupsion, sot po fokusohet propagandistikisht në një komunë të vetme, duke përpiqur ta prezantojë qeverisjen lokale aty si shembull suksesi dhe investimesh. Ai thekson se, megjithëse është investuar shumë, pothuajse çdo tender është i manipuluar dhe i vjedhur në masën 20-30%, ndërsa projektet e promovuara shpesh janë të dobëta në planifikim dhe ekzekutim.

Llugaliu kritikon gjithashtu qeverisjen në kryeqytet, duke thënë se fondet bllokohen për qytetarët vetëm për shkak të përkatësisë partiake të kryetarit të komunës. Ai shton se qeveria toleron “hajninë” kur është brenda vetes, por e penalizon kur nuk është e partisë së saj.

“Sjelljet, mashtrimet dhe hajnitë e tilla më së paku priteshin nga Vetëvendosje. Kur kjo kombinohet me një situatë të bllokuar në nivel nacional, gjendja bëhet totalisht e pashpresë,” shkruan Llugaliu, duke e përshkruar situatën si “bashkë në hajni e idiotësi”.

Postimi shihet si një kritikë indirekte ndaj Bulliqit dhe një paralajmërim për praktikën e qeverisjes bazuar mbi partinë dhe jo mbi qytetarët.

Ky është postimi i tij:

Kur jemi te zgjedhjet lokale, Kosova është në gjendje të pashpresë.

Vetëvendosje që para 4-5 vitesh shihej si shpresa e vetme e këtij vendi për qeverisje të mirë e pa korrupsion, sot në vjeshten e vitit 2025 krejt fuqinë propaganduese e ka fokusu në një komunë, duke u mundu që qeverisjen lokale atje ta paraqes si storie të punës, suksesit dhe investimeve. 

Në atë komunë është fakt që është investu shumë (për shkak të vijës partiake që është praktikë shumë e keqe e njëjtë me qeveritë e kaluara), po nuk po e përmendin që edhe është vjedh shumë. Pothuajse çdo tender është i manipulum dhe i vjedhun për 20-30%. Në anën tjetër edhe punët që propagandohen si të mëdha në numër janë punë të kryera ekstremisht dobët si në projektim ashtu edhe ekzekutim.

Në anën tjetër, në një komunë tjetër, konkretisht në kryeqytet, Qeveria (Vetëvendosje) përdorë mendësinë e njëjtë si të qeverive të kalume, bllokon fondet për qytetarët, për shkak që me kryeqytetin udhëheq një hajn që nuk është i partisë që udhëheq me qeverinë. Madje kam informata që kryehajnin e Prishtinës edhe pse është hajn supertransparent e kanë lutë që të kalojë në Vetëvendosje. Dmth Qeverisë i pengon hajnia vetëm kur hajni nuk është i tyne. Në të kundërtën për ta është krejt okej me kanë hajn.

Në vend që komunat t’i trajtojë si organizime shtetërore të të gjithë qytetarëve dhe fondet për komuna t’i shpërndajë në mënyrë proporcionale dhe meritore, e poashtu hargjimin e atyre fondeve t’i mbikqyrë në mënyrë të rrept, Qeveria pa i përfillë hajnitë, me qytetarët e një komune sillet si nanë, e me të tjetrës si njerkë.

Këto sjellje, këto mashtrime e hajni dhe këtë mendësi më së paku e kam pritë prej Vetëvendosjes. Kur kësaj ia shton faktin që gjendjen në nivel nacional e kemi totalisht të bllokume, situata bohet krejtësisht e pashpresë! 

Bashkë në hajni e idiotësi!