Ajet Potera: Sot përballemi me dukuri të rënda që kanë vazhduar në vend e në komunë, siç janë korrupsioni dhe keqpërdorimi 

Ajet Potera një ndër figurat më të respektuara në Llap, i cili dikur ishte shtylla e LVV-së, e që së fundmi iu bashkua ekipës së Kryetarit të LDK-së, Ekrem Hyseni, ka reaguar publikisht për dukuri të shumta që sipas tij po ndodhin në vend e në komunë.

“Sot përballemi me dukuri të rënda që kanë vazhduar në vend e në komunë, siç janë korrupsioni dhe keqpërdorimi i pozitës publike e i buxhetit të shtetit”, ka shkruar Potera. 

Ai tutje ka thënë se ata që kryejnë këto veprime nuk kanë respekt për sakrificën ndër breza, për ata që dhanë gjakun për lirinë tonë

Postimi i plotë i Poterës:

Sot u takova me disa burra që i kam miq, shokë dhe bashkëluftëtarë, Ismail Revuçi – mësuesin, Rifat Maloku – Shpatin, Bedri Macastenën, Bujar Hasanin dhe Besnik Mulliqin.

Janë njerëz të nderuar e të respektuar në Llap e më gjerë! Ushtarakë, profesionistë e intelektualë me vlera të mëdha, të cilët i çmoj jashtëzakonisht. Vlerësoj mendimin e tyre për çështje të ndryshme nga siguria dhe mbrojtja, deri te politika dhe vendimmarrja publike.

Sot përballemi me dukuri të rënda që kanë vazhduar në vend e në komunë, siç janë korrupsioni dhe keqpërdorimi i pozitës publike e i buxhetit të shtetit.

Ata që kryejnë këto veprime nuk kanë respekt për sakrificën ndër breza, për ata që dhanë gjakun për lirinë tonë. Me duar të padenja dhe me qëllime të ulëta, po keqpërdorin dokumentet zyrtare me simbolet e Republikës së Kosovës!

Kështu si ne mendojnë edhe qindra e mijëra bashkëluftëtarë e qytetarë tanë, dhe ky është një zë që askush nuk mund ta injorojë!