Shkrim emocional për bashkëluftëtarin e tij nga kryetari i veteranëve të UÇK-së, Rafet Llapashtica

Kryetari i Organizatës së Veteranëve të UÇK-së në Podujevë, Rafet Llapashtica, ka shkruar një mesazh prekës për ndarjen nga jeta të bashkëluftëtarit të tij, Hamdi Zejnullahu.

Në shkrimin e tij, Llapashtica kujtoi sakrificën dhe përkushtimin e Zejnullahut, i cili kishte lënë Zvicrën për t’i shërbyer Kosovës.

“Kontributi yt për lirinë e Kosovës do të kujtohet ndër breza! Lavdi jetës dhe veprës së Hamdi Zejnullahut!”, u shpreh ai.

Ceremonia e varrimit të Hamdi Zejnullahut do të mbahet më 28 shtator 2025, në ora 14:00, në varrezat e fshatit Perpellac, Podujevë.