Kaloi ilegalisht kufirin me 500 pula, ndalohet i dyshuari në Podujevë

Një person është ndaluar në fshatin Dumnicë të Podujevës pasi me një automjet të tipit furgon, kishte kaluar kufirin ilegalisht. Sipas organeve të rendit, i dyshuari në këtë furgon kishte rreth 500 copë pula.

Me vendim të prokurorit, automjeti së bashku me mallrat është dërguar në terminal doganor. Ndërsa i dyshuari pas intervistimit është liruar në procedurë të rregullt.

Rasti i cili ka ndodhur më 25.09.2025, në ora 07:30, është iniciuar si “kalim i paautorizuar i vendkalimeve kufitare apo i vijës kufitare”.