Ekrem Hyseni: Fryma e fitores së LDK-së po ndjehet gjithandej Llapit e Gollakut

Mbrëmjen e së enjtes, kandidati i Lidhjes Demokratike të Kosovës (LDK) për kryetar të Podujevës, Ekrem Hyseni, ka zhvilluar një takim me familjen Maloku në Batllavë.

Në një postim në rrjetet sociale, Hyseni ka falënderuar për mikpritjen dhe mobilizimin, duke theksuar se fryma e fitores së madhe të LDK-së po ndihet gjithandej Llapit e Gollakut.

“Ky është vullneti qytetar, LDK është shpresa për zhvillimin e komunës sonë me programin konkret që përmirëson mirëqenien e gjithë qytetarëve tanë pa dallime e diskriminime. Mashtruesit e diskriminuesit do ta marrin përgjigjen nga qytetarët më 12 tetor”, ka deklaruar Hyseni.

LDK tashmë ka intensifikuar takimet me qytetarët në prag të zgjedhjeve lokale, duke theksuar se programi i saj synon zhvillimin ekonomik dhe përmirësimin e jetës së banorëve të Podujevës.