Dy asamblistët më aktivë në Kuvendin Komunal Naim Çunaku (LDK) dhe Haki Rudari (VV)

Rrjeti i OJQ-ve “Demokracia fillon këtu” ka publikuar rezultatet e monitorimit trevjeçar mbi punën e Kuvendit Komunal të Podujevës, ku vihen në pah dy emrat më aktivë nga subjektet më të mëdha politike në qytet.

Sipas të dhënave të publikuara, më aktivët në punën e Kuvendit Komunal janë vlerësuar:

Naim Çunaku nga radhët e LDK-së, dhe

Haki Rudari nga radhët e Lëvizjes Vetëvendosje.

Raporti tregon se të dy këta asamblistë kanë shënuar pjesëmarrjen më të lartë në mbledhjet e Kuvendit, kanë paraqitur më shumë diskutime e iniciativa, si dhe kanë ngritur më shpesh çështje me interes për qytetarët.

Ky monitorim trevjeçar i organizatës “Demokracia fillon këtu” ka për qëllim rritjen e transparencës dhe llogaridhënies së përfaqësuesve lokalë, si dhe informimin e qytetarëve mbi punën e atyre që i përfaqësojnë në institucionet komunale.