Shqetësuese, droga po pushton të rinjtë, 23-vjeçari kapet me marihuanë në Podujevë

Një tjetër i ri ka rënë në prangat e policisë në Podujevë, duke e shtuar listën e gjatë të rasteve të përfshirjes së të rinjve në substanca narkotike.

Sinjali mëson se më 3 shtator 2025, rreth orës 17:30, në rrugën “Bedri Bajrami”, njësitë intervenuese ndaluan për kontroll një 23-vjeçar.

Gjatë kontrollit, tek ai është gjetur një sasi marihuanë, e cila u sekuestrua nga policia.

I dyshuari është shoqëruar në stacion dhe pas konsultimit me Prokurorin kujdestar, rasti është iniciuar si “Posedim i paautorizuar i narkotikëve, substancave psikotrope ose analoge”.

Ky rast vjen në një kohë kur rastet e përfshirjes së të rinjve në konsumim dhe shpërndarje të drogës po rriten dukshëm, duke ngritur shqetësime serioze për shëndetin publik dhe sigurinë në vend.