Podujevë: Mbledhje komemorative për anëtarin e Kuvendit, Gazmend Islami

Kuvendi Komunal i Podujevës ka organizuar sot një mbledhje komemorative me rastin e vdekjes së anëtarit të Kuvendit Komunal, Gazmend Islami.

Mbledhja u mbajt në sallën e Kuvendit Komunal të martën, më 19 gusht 2025, duke filluar nga ora 11:00.

Me fjalë rasti u paraqitën kryetari i Komunës, Shpejtim Bulliqi, vëllai i të ndjerit si dhe ish kryetari i Kuvendit të Kosovës, Glauk Konjufca.

Në këtë mbledhje u vlerësua jeta, angazhimi dhe kontributi i Gazmend Islamit për komunën dhe qytetarët e Podujevës.