U mbajt mbledhja e rregullt e Kuvendit Komunal të Podujevës

Nën udhëheqjen e Kryesuesit të Kuvendit Komunal, Hilmi Hoxha, është mbajtur mbledhja e rregullt e Kuvendit Komunal të Podujevës.

Në mbledhje morën pjesë nënkryetarja e Komunës, Marigona Lahu, drejtorët e drejtorive komunale, përfaqësues të KFOR-it, OSBE-së dhe media.

Gjatë mbledhjes u miratuan të gjitha pikat e rendit të ditës, si në vijim:

Procesverbalet nga mbledhjet e Kuvendit të Komunës, të mbajtura më herët.

Raporti i monitorimit të kontratave për dhënie në shfrytëzim të pronës së paluajtshme të komunës (periudha janar – qershor 2025) dhe rekomandimet.

Propozim-vendim për shtim të buxhetit dhe kod të ri – Projekti “Furnizim me mëshqerra”.

Propozim-vendim për shtim të buxhetit dhe kod të ri – Projekti “Furnizim me makineri prodhuese për biznese”.

Kërkesat e MAPL-së për rishqyrtim të akteve të Kuvendit të Komunës:

Vendimi nr. prot. 01-463/06-0029235/25 i datës 28.05.2025

Vendimi nr. prot. 01-463/06-0029237/25 i datës 28.05.2025

Vendimi nr. prot. 01-020/04-0029236/25 i datës 28.05.2025

Rregullorja për transparencë

Në kuadër të pikës “Të ndryshme”, asamblistët parashtruan pyetje dhe ngritën çështje nga fusha të ndryshme, për të cilat morën përgjigje nga drejtorët përkatës.