SBAShK: Nëse kërkesat nuk plotësohen nga Ministria e Arsimit, fillojmë me veprime në shtator

Sindikata e Bashkuar e Arsimit, Shkencës dhe Kulturës (SBAShK) ka njoftuar se të enjten, më 18 korrik, duke filluar nga ora 10:00, do të mbahet Kongresi i radhës i sindikatës.

Sipas njoftimit për media, temë kryesore e këtij Kongresi do të jetë mosgatishmëria e institucioneve për të diskutuar me SBAShK-un, konkretisht refuzimi i MASHTI-t dhe Qeverisë për të diskutuar Draftin e Kontratës Kolektive, që SBAShK e ka dorëzuar që nga tetori i vitit 2024.

Në këtë takim, pritet të diskutohet edhe për hapat e mëtejmë sindikalë, që sipas njoftimit do të shqyrtohen për periudhën nga shtatori e tutje.