Grupi i asambleistëve të LDK-së: Arjeta Salihu dhe Qendrim Softolli lirojnë pozitat, në vend të tyre hyjnë dy kandidat tjerë

Arjeta Salihu dhe Qendrim Softolli, duhet të mirren shembull për punën dhe përkushtimin e treguar në mandatin e tyre si asambleistë të Kuvendit Komunal, thuhet në njoftimin e bërë nga kryetari i LDK-së në Podujevë Ekrem Hyseni, transmeton PodujevaPRESS.net

Të dy, deri sot mbrojtën denjësisht interesat e qytetarëve llapjanë, duke na përfaqësuar në mënyrën më të mirë të mundshme.

Ata sot me vullnetin e tyre liruan këto pozita, duke iu përkushtuar plotësisht garës për deputetë në nivel nacional.

Duke i falënderuar për punën e bërë deri më sot, Arjetës dhe Qendrimit iu uroj suksese në rrugëtimin e tyre të ri. Në vend të tyre në asamblenë komunale të gjithë neve do të na përfaqësojnë Qëndresa Haliti dhe Fatmir Gashi.

Asnjehërë s’ka qenë më e fuqishme fryma e bashkëpunimit e unitetit brenda Lidhjes Demokratike të Kosovës në Llap.

Kjo është fryma e fitores, kjo është fryma e bashkëpunimit dhe e ndryshimit.

Bashkë drejt ndryshimit të madh me 9 shkurt.