Ky është drejtori i Inspeksionit në kabinetin e Shpejtim Bulliqit

Drejtori i Inspeksionit në Komunën e Podujevës, Alban Zeka, ka kërkuar dorëheqje nga detyra.

Zeka në një përgjigje për media, kishte thënë se arsyeja qëndron tek vëllimi i madh i punëve dhe mungesa e stafit.

“Arsyeja është vëllimi i madh i punëve, mungesa e inspektorëve, kemi hapur 10 herë konkurs dhe nuk kremi rekrutuar asnjë person për këtë punë. Kjo ma ka bërë të pamundshme zhvillimin e punës ashtu siç dëshiroi”, ka thënë Zeka.

Mirëpo këtë dorëheqje nuk e ka bërë publike Komuna e Podujevës, sikurse njoftimet e mëherëshme kur ndërroheshin drejtorët komunal.

Mirëpo në një postim të dates 22 nëntoe 2024, të faqes zyrtare të komunës, përmendet edhe emri i ri I drejtorit të Inspeksionit në këtë komunë.

“Për të parë nga afër gjendjen, në terren kanë dalë drejtori i Shërbimeve Publike, Mbrojtje dhe Shpëtim, Bahri Selimi dhe drejtori i Inspeksionit, Shuajb Blakçori”.

Shuajb Blakçori ishte drejtori i Administratës, mirëpo me këtë njoftim të komunës nuk dihet se çfarë ndryshimesh janë bërë në ekipën e drejtorëve të udhëhequr nga kryetari Shpejtim Bulliqi.