Muaji i Ndërgjegjësimit për Luftën kundër Kancerit të Gjirit, Komuna e Podujevës vendos mamografin mobil

Më 30 tetor, në kuadër të Muajit të Ndërgjegjësimit për Luftën kundër Kancerit të Gjirit, do të vendoset mamografi mobil në qytetin e Podujevës dhe në fshatin Lluzhan. Gratë dhe vajzat do të kenë mundësinë të kryejnë kontrolle pa pagesë, falë iniciativës së Ministrisë së Shëndetësisë, thuhet në njoftimin e Zyrës për Informim të kësaj komune transmeton PodujevaPRESS.net

Kjo është hera e parë që bëhen kontrollet përmes Mamografit Mobil në Podujevë.

Ftojmë të gjitha gratë dhe vajzat të përfitojnë nga kjo mundësi për të bërë kontrolle falas. Gjithashtu, përgjatë gjithë muajit, mamografitë falas mund të realizohen çdo ditë edhe në QKMF, duke filluar nga ora 07:00 deri në 13:00.

Zbulimi i hershëm shpëton jetë!, përfundon njoftimi