Drejtori i Arkivave: Në objektet e strukturave paralele janë konfiskuar dokumente për mënyrën e financimit të tyre

Drejtori i agjencisë së arkivave të Kosovës, Bislim Bislimi, ka thënë se janë konfiskuar mbi 7 milionë dokumente nga objektet e strukturave paralele serbe në komunat veriore të vendit.

Sipas tij, aty është gjetur edhe një libër i udhëheqësit diktatorial të Shqipërisë, Enver Hoxhës, libër ky i botuar në Beograd, në vitin 1986.

Kemi pasur një kontroll sipërfaqësor të dokumenteve të konfiskuara, dhe mund të them se ka të dhëna të shumta për administratën e komunave ilegale, për funksionet dhe organizimin e tyre, për procedurat administrative për çështje sociale, pensione, banime, shkollim, ndihma, organizim të emergjencave, për financim të tyre, janë lista të tëra me emra e mbiemra, që është tipike për funksionimin e një administrate komunale ilegale”.

“Financimet kush ka financuar, sa ka financuar, kush ka bërë pranime, për çka janë bërë ato pranime të financimit”, ka deklaruar Bislimi në Klan Kosova.