Aksidentohet kamioni në Penuhë të Podujevës, ngarkesa përfundon në rrugë
FFK e suspendon me dy ndeshje Tahir Batatinën dhe e gjobit me 500 euro
Komiteti Ekzekutiv i Federatës së Futbollit të Kosovës FFk) e ka suspenduar për dy ndeshje trajnerin Tahir Batatina, si dhe gjobitur me 500 euro.
Batatina bëri sjellje josportive në humbjen ndaj Prishtinës, duke iu vërsulur disa herë gjyqtarit kryesor, si dhe përdori gjuhë vulgare ofenduese dhe kërcënuese.
KE i FFK-së ka dënuar dhe gjobitur Batatinën dhe këtë e konfirmuan përmes një komunikate zyrtare.
“I. Kryetrajnerit të KF “Llapi“ nga Podujeva, z. Tahir Batatina me numër të ID-së 01144M77, i shqiptohet masa disiplinore. “Dënim me mos ushtrim të detyrës zyrtare për 2 (dy) ndeshje sipas radhës organizuar nga FFK.
“II. Kryetrajnerit të KF “Llapi” nga Podujeva, z. Tahir Batatina me numër të ID-së 01144M77 i shqiptohet “Dënimi me gjobë prej 500.00 € (pesëqind euro)”, i cili duhet të paguhet në afat prej tetë (8) ditësh nga dita e plotfuqishmërisë së këtij vendimi.
A r s y e t i m
Me datë 31.08.2024 me fillim nga ora 19:00 është zhvilluar ndeshja e xhiro-së së 4-të të Albi Mall Superligës së Kosovës në mes të FC “Prishtina” dhe KF “Llapi” nga Podujeva. Pas përfundimit të kësaj ndeshje, z. Tahir Batatina, kryetrajner i KF “Llapi” nga Podujeva, është vërsulur disa herë në drejtimin të gjyqtarit kryesor dhe të kolegëve të tij në mesin e fushës, duke përdorur gjuhë vulgare ofenduese dhe kërcënuese, pastaj duke shkuar në drejtim të bankinës bie në provokimin e shikuesve të cilëve ju tregon gishtin e mesit të dorës, i fyen shikuesit e pranishëm duke provokuar një eskalim të mundshëm të masës. Për këto sjellje jo sportive dhe vulgare ndëshkohet me karton të kuq direkt. I njëjti pas ndëshkimit ka tentuar ta sulmojë fizikisht gjyqtarin kryesor por falë intervenimit të policisë është evituar sulmi. Po ashtu edhe në tunelin e stadiumit dukshëm i frustruar ka tentuar ta sulmojë fizikisht gjyqtarin por sërish është penguar nga policia. Sipas raportit të gjyqtarit kryesor të ndeshjes, Genc Nuza dhe xhirimit televiziv në ndeshjen Prishtina – Llapi”, thuhet ndër të tjera në komunikatë.
