Gjykata Komerciale ia bllokon Komunës së Podujevës tenderin 2.5 milionësh |Dokument

Tenderin 2.5 milionësh për të cilin kanë raportuar mediat,  të Komunës së Podujevës për kompanin Konstruktori është pezulluar. Ky tender ishte dhënë për ndërtimin e Shkollës së Mesme Ekonomike në Podujevë, madje Kryeministri, Kurti sot ishte parapa se do të marrë pjesë në ceremoninë e vënies së themelit të kësaj shkollë.

Mirëpo gjithçka u anulua pa paralajmërim.

Gazeta Insajderi në mars të këtij viti kishte raportuar lidhur me tenderin e kësaj shkolle, ku përkundër kriterit kryesor që ishte ‘çmimi më i ulët’, fituese ishte zgjedhur kompania me çmim për gjysmë milion euro më të shtrenjtë se vlera e parashikuar.

PodujevaPRESS ka siguruar një vendim të Gjykatës Komerciale, ku është vendosur për shtyrje të ekzekutimit.

Nga Komuna kërkohet që menjëherë ta pezullojë ekzekutimin e kontratës.

“Për arsyet e shtjelluara detajisht nè padi, i propozon gjykatës që konform nenit 22 par. 6 dhe 7 te LKA-së të marr aktvendim më të cilin aprovohet në tërèsi si e bazuar kërkesa e paditësit ARAD 94 shpk për shtyerje të ekzekutimit të vendimit PSH.Nr.2024/0201 i datës 03.05.2024, t& shtyhet ekzekutimi vendimit PSH.Nr.2024/0201 i datës 03.05.2024 deri në marrjen e publike nr.615-23-3422-5-1-1/C997, deri në nxjerrjen e një tjetër vendimi gjyqësor. Detyrohet Komuna e Podujevës që menjëherë pas pranimit të këtij aktvendimi të pëzulloj ekzekutimin e kontratës publike“, thuhet në vendim.

Gjykata ka vlerësuar se shtyrja e ekzekutimit të vendimit është e domosdoshme.

“Gjykata vlerëson se shtyrja e ekzekutimit të vendimit është e domosdoshme deri në shqyrtim të vendimit të ligjshmërisë së vendimit të kundërshtuar dhe ligjshmërisë së procedurës së prokurimit të zhvilluar nga autoriteti kontraktues, dhe vlerëson se shtyerja e realizimit të projektit “*Ndërtimi i shkollës së mesme ekonomike Isa Boletini” me or Prok:615-23-3422-5-1-1, për një kohë të arsyeshme deri në shqyrtim të ligjshmërisë nuk e dëmton AK dhe as nuk është në dèm të interesit publik sepse nuk e ndryshon gjendjen ekzistuese ë tanishme“, thuhet aty.

Në muajin gusht të 2023-tës, ishte marrë vendimi për pezullimin e aktivitetit të prokurorimit.

Pasi që kompania “Grandelite L.L.L” dhe “Arad 94”, nuk ishin pajtuar me vendimin e Komunës kishin parashtruar ankesë në OSHP. Lënda kishte shkuar në rivlersim.

Por, për të dytën herë, me 22 shkurt, fituese ishte zgjedhur kompania “Konstruktori ING 1969” dhe “Flori eng”, me vlerë të ofertës prej 2 milionë e 565,696.26 euro.

Pra, gjysmë milion euro është çmimi i tejkaluar krahas vlerës së parashikuar të kontratës, të cilën komuna ka nënshkruar kontratë për ndërtimin e shkollës.

Ani pse, kriter kryesor i dhënies së tenderit ishte “çmimi më i ulët”.

Pronar i njërës kompani fituese është biznesmeni Shaip Shabani. Shabani është pronari i kompanisë “Konstruktori ING 1969”.