“Të vras”, “E han plumbin” | Çifti e kërcënojnë njëri – tjetrin
![Ekskluzive: Këta janë personat e plagosur në Lupç të Podujevës, po trajtohen në QKUK](https://podujevapress.net/wp-content/uploads/2022/08/Lajmi-Fundit-Policia-1.jpg)
Ekskluzive: Këta janë personat e plagosur në Lupç të Podujevës, po trajtohen në QKUK
Tre persona kanë mbetur të plagosur si pasojë e të shtënave me armë zjarri sot në fshatin Lupç të Podujevës, ndërsa një tjetër ka marrë lëndime pasi është therur me thikë. Sinjali raportoi ekskluzivisht pak më parë se në konflikt dyshohet se janë përfshirë disa anëtarë të familjes H. dhe të familjes M.
Sipas informacioneve të para, tre personat e plagosur me armë zjarri janë F. H, A. H. dhe S. H, ndërsa të lënduar dyshohet se kanë mbetur edhe nga pala tjetër, F. M. dhe B. M.
Edhe këta të fundit, siç merr vesh Sinjali, kanë kërkuar ndihmë mjekësore.
Lajmin tashmë e ka konfirmuar për Gazetën Sinjali edhe zëdhënësja e Policisë së Kosovës për Rajonin e Prishtinës, Florie Ahmeti.
“Sot rreth orës 16:00 kemi marrë informatën për të shtëna me armë zjarri në fshatin Lupç të Podujevës.
Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme.
Bazuar në të dhënat e deritanishme në këtë rast janë plagosur nga arma e zjarrit tre persona, ndërsa një person ka pësuar lëndime nga arma e ftohtë (thikë).
Hetuesit policor në koordinim me prokurorinë, po ndërmarrin veprimet hetimore për ndriçimin e plotë të rastit.”.