Vdes mamia llapjane Sanije Topanica, iu ndihmoi grave në lindje gjatë luftës
Ushtria Amerikane së shpejti me ushtarë mbinjerëzorë
Shkencëtarët amerikanë janë duke punuar në gjeneratën e re të veshjeve ushtarake për ushtarë, inspiruar nga suita e përdorur në filmat e Iron Man – Njeriut të Hekurt – dhe thonë se do të bëhet realitet brenda dy vitesh.
Suita e emëruar Talos do t’i jepte veshësit të tij superfuqi, si aftësi për të parë në errësirë, fuqi mbinjerëzore dhe një mënyrë për t’iu shmangur plumbave.
Qëllimi është që Navy Seals dhe Forcat Speciale të përmirësojnë teknologjitë e mbrojtjes, transmeton Gazeta Express.
“Veshja transformohet nga gjendja e lëngshme në të ngurtë brenda milisekondave kur aplikohet një fushë magnetike ose elektrike”, thuhet në faqen e ushtrisë në internet.
Veshja do të ketë gjithashtu edhe nerva në formën e senzorëve që do të shtrihen ndaj lëkurës për të monitoruar temperaturën bazë të trupit, temperaturën e lëkurës, normat e zemrës, pozicionin e trupit dhe nivelet e hidratimit.
Kjo veshje e re ushtarake pritet të testohet më 2018.
