“Të vras”, “E han plumbin” | Çifti e kërcënojnë njëri – tjetrin
![“Kam me ta bo ma zi se atij që u vra”/ Burri raporton në Polici se ish gruaja e ka rrahur dhe e ka kërcënuar](https://podujevapress.net/wp-content/uploads/2023/10/dhune8.jpg)
“Kam me ta bo ma zi se atij që u vra”/ Burri raporton në Polici se ish gruaja e ka rrahur dhe e ka kërcënuar
Telashet në familjet kosovare nuk po kanë të ndalur. Çdo ditë në Polici raportohen numër i madh rastesh, ku konfliktet mes bashkëshortëve shpesh përfundojnë edhe me dhunë fizike e psikike, për çka nevojitet ndërhyrja e Policisë. Një rast i tillë ka ndodhur së fundmi në Fushë Kosovë, raporton Gazeta Sinjali.
Këtë herë, një burrë kërkoi ndihmën e Policisë, duke e denoncuar ish-bashkëshorten për dhunën që dyshohet se ka ushtruar ndaj tij.
Sipas informacioneve të para, konflikti mes tyre ka lindur pasi kanë pasur një debat për kujdesin e fëmijës së tyre, që eskaloi më pas në kanosje dhe sulm.
Sinjali mëson se bazuar në dëshminë e viktimës, e dyshuara e ka kërcënuar seriozisht duke e paralajmëruar se do ta pësojë keq, e madje sipas tij edhe me jetë, duke ia përmendur ish burrin e saj që ishte vrarë para shumë vitesh.
Për të mos mbaruar me kaq, të njëjtat burime kanë bërë me dije se gruaja dyshohet se edhe e ka rrahur ish-bashkëshortin dhe për pasojë i ka shkaktuar lëndime trupore, për çka ka marrë trajtim mjekësor në QKUK.
Si rezultat i denoncimit, Prokurori i Shtetit ka urdhëruar ndalimin e të dyshuarës për 48 orë dhe inicimin e rastit për veprën penale “Dhuna në familje”.