‘Remi’: Ata që kanë qenë pjesë e administratës në periudhën e pushtimit serb, s’duhet lejuar t’u adresohen mediave

Ish-komandanti i UÇK-së, Rrustem Mustafa -“Remi” ka bërë thirrje që mos të lejohen individët që kanë punuar në administratën e dhunshme të periudhës së pushtimit serb që t’u adresohen mediave, shkruan Gazeta Sinjali.

Ai përmes një postimi ka kërkuar që individët të cilët kanë qenë pjesë e administratës së dhunshme në periudhën e pushtimit serb 1989-99, nuk duhet vazhduar t’u adresohen mediave.

“Në rrethana të jashtëzakonshme siç jemi ne sot, është mëse e nevojshme që të tillët të menjanohen nga mediat dhe platformat publike, dhe në këtë mënyrë të evitohen dëmet nga spekulimet dhe lufta hibride ruso-sërbe që mund t’i shkaktohen vendit”, ka shkruar Mustafa.

Sipas tij duhet të evitohen dëmet nga kufta hibride ruso-serbe.

Postimi i plotë:

Preventiva e luftës hibride ruso-sërbe…

Individëd të cilët kanë qenë pjesë e administratës së dhunshme në periudhën e pushtimit serb 1989-99, nuk duhet vazhduar t’u adresohen mediave.

Ata kanë qenë dhe mbeten njerëz që përvjedhin fokusin e autoritetit duke u vardisur rreth liderëve dhe pa hezitim vihen në shërbim të së keqës.

Në rrethana të jashtëzakonshme siç jemi ne sot, është mëse e nevojshme që të tillët të menjanohen nga mediat dhe platformat publike, dhe në këtë mënyrë të evitohen dëmet nga spekulimet dhe lufta hibride ruso-sërbe që mund t’i shkaktohen vendit.

Asnjërit nga të tillët nuk mbajnë barrë për ata që ikën dhe nuk kthehen më, ndihuni të sigurt në vendin tuaj, tani të PAVARUR!