Osmani pas takimit me Escobar: Zbatimi i rregullorës së BQK-së është i mundshëm vetëm me mbështetjen e aleatëve

Presidentja e vendit Vjosa Osmani ka folur pas takimit me emisarin e ShBA-ve Gabriel Escobar e ambasadorin amerikan Jeff Hovenier.

Osmani ka theksuar se bashkëpunimi me aleatët është vendimtar sa i përket sulmit terrorist të 24 shtatorit.

“ShBA-të kanë qëndruar përkrah Kosovës përgjatë çdo faze, bashkëpunimi me aletatët tanë, veçanërisht me ShBA-në, duhet të jetë bosht i veprimeve tona. Puna jonë me ShBA-në ka qenë dhe mbetet jetike. Përpjekjet tona të pakompromis, ashtu edhe për fuqizimin e pozitës ndërkombëtare të Kosovës.

Prandaj, bashkëpunimi me aletatët tanë, veçanërisht pas sulmit terrorist nga 24 shtatori, grupi terrorist dhe paramilitar duhet të përballet me drejtësinë. Për këtë, duhet të ketë drejtësi. Do të vazhdojmë t’i zbatojmë standardet më të larta për një gjykim më të drejtë, dhe do të bashkëpunojmë me aleatët, në veçanti me ShBA-në, që kufiri të jetë i sigurtë, dhe të ndalojmë sulme të tilla në të ardhmen, derisa punojmë së bashku, do të dështojë ashtu siçka dështuar më 2 shtator.” – është shprehur Osmani.

Tutje ajo ka theksuar se dialogu me Serbinë do të jetë i suksesshëm nëse do të ketë qasje të barabartë të ndërmjetësve.

“Sa i përket dialogut, kam potencuar se suksesi varet nga qasja e barabartë e ndërmjetësuesit ndaj palëve, dhe se është thelbësore të ketë zbatim të plotë të marrëveshjeve të dakorduara në vitin e kaluar, veçanërisht shkurit 2023 dhe marsit 2023.” .

Në fund Osmani është shprehur se zbatimi i rregullorës së BQK-së. Pra, ndalimi i dinarit që shqetësoi kaq shumë aleatët është i mundur vetëm me përkrahjen e tyre.

“Qasja selektive nuk do të ndihmojë, të gjitha nenet kanë rëndësi, edhe zbatimi duhet të jetë i plotë e jo i pjesshëm. Roli i ShBA-së dhe angazhimi mbetet kyq, për një process që do të çonte drejt njohjes së ndërsjelltë. Për fund, në lidhje me zbatimin e rregullores së BQK-së, i dini qëndrimet e mija, zbatimi i qëndrueshëm dhe efikas i saj është i mundshëm në bashkëpunim e me mbështetje të aleatëve. Aleatët tanë janë pro zbatimit të Kushtetutës, dhe në favor të një plani të qëndrueshëm. Çështja e kësaj rregulloreje, do të ecet përpara, me një zgjidhje të përbashkët, e në interes të qytetarëve të Kosovës.” – ka thënë Osmani.