Bulliqi kurrsesi nuk po rehatohet me prokurimin, tani këtë pozitë ia beson këtij personi

Pas pensionimit të Rasim Fejzës vitin e kaluar si shef i Prokurimit në Komunën e Podujevës, Shpejtim Bulliqi këtë pozitë nuk e la vakant, ushtrues detyre i shefit të Prokurimit e bëri dikë nga gjinia femërore. Bëhej fjalë për Ganimete Mahmutin e cila ka vite që punon në prokurim, e nga muaji Gusht 2023 edhe ishte caktuar si Ushtrues Detyre e shefit të zyrës së prokurimi që ta udhëheq këtë dikaster të rëndësishëm, transmeton PodujevaPRESS.net

Por pas pak muajsh znj.Mahmuti nuk është më në këtë pozitë.

Në vendin e saj sipas vendimit që posedon PodujevaPRESS thuhet se këtë zyrë do ta udhëheq Bashkim Ibrahimi.

Në vendim thuhet se nga data 11 janar 2024 Bashkim Ibrahimi zyrtar i lartë I prokurimit në Komunën e Podujevës (i transferuar sipas marrëveshjes mes Kryetarit të Podujevës dhe kryetarit të Komisionit Rregullativ të Prokurimit Publik) autorizohet për kryerjen e punëve dhe detyrave si dhe nënshkrimin e dokumentacionit nga kompetencat dhe përgjegjësitë e Menaxherit të Prokurimit në Komunën e Podujevës.

Ky është vendimi: