A kishte ndonjë zyrtar policor prezent tek lokali (berber) kur ndodhi incidenti fillestar në Podujevë? Ja çfarë thotë raporti i IPK-së

Inspektorati Policor i Kosovës përfundon vlerësimin për veprimet e policisë lidhur me rastin e vrasjes në Podujevë, thuhet në njoftimin për media, transmeton PodujevaPRESS.net

Sipas komunikatës për media thuhet se në momentin kur ka ndodhur incidentit fillestar mes Lulzim Fejzullahut dhe njërit nga të dyshuarit nuk kishte asnjë zyrtar policorë në lokal.

Në komunikat thuhet se IPK ka verifikuar nëse në incidentin fillestar i cili ka ndodhur më 13.01.2024 tek lokali (berber) në mes të viktimës L. F dhe njërit nga të dyshuarit ka pasur prezent ndonjë zyrtar policor.

Nga shqyrtimi i deklaratave të dëshmitarëve dhe dokumenteve, kuptohet se në ngjarjen e cila ka ndodhur në lokal në kohën kur ka ndodhur ngjarja nuk ka qenë prezent ndonjë zyrtar policor, por veç personave tjerë ka qenë një zyrtar i Shërbimit Korrektues, i cili është identifikuar nga dëshmitarët e intervistuar me autorizim të Prokurorit nga Njësia e Hetimeve Rajonale të policisë.