Mbahet mbledhja e jashtëzakonshme e KKSB për situatën e përgjithshme të sigurisë në Komunën e Podujevës

Këshilli Komunal i Sigurisë në Bashkësi sot ka mbajtur mbledhje të jashtëzakonshme të thirrur nga kryetari i Komunës, Shpejtim Bulliqi, për të shqyrtuar situatën e përgjithshme të sigurisë pas rastit të fundit tragjik të vrasjes së të riut 18 vjeçar, Lulzim Fejzullahu.

Në mbledhjen e jashtëzakonshme të KKSB-së të kryesuar nga kryetari i Komunës, Shpejtim Bulliqi, përveç anëtarëve të Këshillit morën pjesë edhe edhe zyrtarët nga Stacioni i Policisë të cilët janë të autorizuar në mbikëqyrjen e sigurisë në shkollat e mesme të Komunës, shefi i hetimeve të Stacionit Policor, drejtorë të shkollave, përfaqësues nga Ministria e Punëve të Brendshme dhe media.

Para fillimit të mbledhjes në shenjë solidarizimi me familjen e të riut Fejzullahu u mbajt një minutë heshtje.

Kryetari Bulliqi shpehu ngushëllimet më të sinqerta për familjen e rë riut, i cili humbi jetën si pasojë e plagëve të marra nga bashkëmoshatarët e tij, duke theksuar që është e trishtueshme të dëgjosh për një humbje të tillë tragjike, sikurse vdekja e 18 vjeçarit, duke bërë thirrje te të gjithë akterët komunal për bashkëpunim më të thellë rreth ngritjes së sigurisë së përgjithshme në komunën e Podujevës.

Për rastin në fjalë komandanti i Stacionit të Policisë, Nijazi Jashari, dha informata rreth pranimit të rastit dhe hapat e ndërmarrë nga policia, ndërsa shefi i hetuesisë, Mentor Vërshefci dha detajet e rastit rreth hetimeve të cilave janë zhvilluar deri më sot.

Gjatë mbledhjes së jashtëzakonshme të KKSB, u diskutuan çështjet e sigurisë dhe hapat që duhet të ndërmirren në rritjen e saj, drejtorët e shkollave, përfaqësuesit e shoqërisë civile, udhëheqës të ZKKK, dhanë rekomandime konkrete rreth një harmonizimi të veprimeve tê cilat do të ndikojnë direkt në rritjen e sigurisë së pëtgjithshme e në veçanti, sigurisë së nxënsëve.

Pas përfundimit të mbledhjes, kryetari i Komunës, Shpejtim Bulliqi mbajti konferencë për media ku sqaroi në detaje për takimin e mbajtur të KKSB-së, si dhe foli për objektivat e institucioneve lokale për masat preventive që do të ndërmerren mes akterëve në parandalimin e rasteve të tjera dhe shtimin e sigurisë në nivel të përgjithshëm në Komunën e Podujevës.