E dhimbshme: Ky është 19-vjeçari që humbi jetën tragjikisht mbrëmë në aksident

Gazeta Sinjali mbrëmë raportoi për një aksident të rëndë të ndodhur në rrugën Kaçanik-Ferizaj, ku një tragjikisht humbi jetën teksa mbetën të lënduar edhe pesë të tjerë.

Nga konfirmimi i Policisë për Sinjalin, u bë e ditur se në aksident u përfshinë tri vetura teksa ngjarja ndodhi rreth orës 21:00.

Ndërkohë, Sinjali merr vesh se personi që humbi jetën tragjikisht është Lorent Trena, 19-vjeçar nga Kaçaniku.

Lajmin e kanë konfirmuar edhe familjarët e të ndjerit përmes një postimi në Facebook.

Varrimi i të ndjerit bëhet sot në Begracë pas faljes së ikindisë (15:00).

Fatkeqësisht, rreth një ditë pas aksidentit, si pasojë e lëndimeve të rënda është shënuar edhe viktima e dytë e këtij aksidenti.

Bëhet fjalë për të moshuarën, Zyrmije Raka.

“Magjistralja Fusha e Pajtimit-Kaçanik,17.11.2023-21:06. Më datën dhe kohën e lartcekur, viktima femër kosovare kishte pësuar  lëndime trupore në një aksident trafiku dhe  ka qenë duke marrë tretman mjekësor në QKUK-së. Më datë  18.11.2023 rreth orës 21:00 është konfirmuar se viktima e lartcekur ka ndërruar jetë. Me urdhër të prokurorit kujdestar, trupi i pa jetë është dërguar në IML për obduksion.”, thuhet në raportin e Policisë së Kosovës.