Të shtëna me armë zjarri, Policia gjen disa gëzhoja në vendin e ngjarjes – ndalohet i dyshuari

Mesditën e së shtunës janë dëgjuar të shtëna me armë zjarri në fshatin Drobesh të Vitisë, ku një person po dyshohet se ka gjuajtur disa herë për motive ende ta panjohura. Rasti është denoncuar nga një bashkëfshatar i tij, teksa i njëjti tashmë është kapur nga Policia, raporton Gazeta Sinjali.

Burimet brenda Prokurorisë kanë bërë me dije se i dyshuari S.Q., në një fushë të hapur kishte shtënë së paku tri herë me armë te zjarrit në drejtim të tokës.

Posa rasti u raportua, Policia është aktivizuar, me ç’rast një njësitë përkatëse intervenuan në vendin e ngjarjes dhe arritën ta ndalonin të dyshuarin.

Gëzhojat që u gjetën dhe arma që i dyshuari e mbante kundërligjshëm janë konfiskuar nga Policia, ndërsa i njëjti është shoqëruar në stacion policor, për të dhënë deklaratë para hetuesve policorë.

Pas përfundimit të procedurave, Prokurori i Shtetit ka urdhëruar që ndaj tij të iniciohen rastet si “Përdorim i armës apo mjetit të rrezikshëm”.