“Të vras”, “E han plumbin” | Çifti e kërcënojnë njëri – tjetrin
![Sali Berishës i bllokohet pasaporta, i caktohet masa “detyrim paraqitje”, arrestohet dhëndri i tij](https://podujevapress.net/wp-content/uploads/2022/07/sali-berisha.jpg)
Sali Berishës i bllokohet pasaporta, i caktohet masa “detyrim paraqitje”, arrestohet dhëndri i tij
Top Channel ka raportuar se ish-kryeministrit të Shqipërisë, Sali Berishës i është caktuar detyrim paraqitje dhe i është bllokuar pasaporta.
Sipas mediumit kjo ndodhi pas arrestimit në aeroportin e Rinasit, Jamarbër Malltezit, dhëndrit të Berishës, i cili më herët ka mbajtur edhe postin e Drejtuesit të Departamentit të Mjedisit në Partinë Demokratike.
Akuzat ndaj Jamarbër Malltezit:
E vetmja dosje me të cilën lidhet emri i tij dhe për të cilën është kallëzuar në është ajo e privatizimit të ish klubit sportiv “Partizani”. Padia në SPAK për këtë dosje është çuar nga ministri i Brendshëm, Taulant Balla në kohën kur ishte kreu i grupit të Partisë Socialiste.
Malltezi në atë kohë u thirr nga SPAK dhe u mor në pyetje për këtë çështje ndërsa duket se Prokuroria e Posaçme ka gjetur provat e mjaftueshme për të arrestuar dhëndrin e ish-kryeministrit, që rezulton të jetë një prej pronarëve kryesorë të pallateve që fshiu gjurmët e kompleksit Partizani.
Bëhet fjalë për një pronë me rreth 10.000 m2, në qendër të Tiranës që në vitin 2008 është privatizuar me një vlerë prej 100.000 dollarë, më pak se vlera e një garsoniere të shitur në atë zonë.Klubi sportiv “Partizani” ishte kompleksi më i rëndësishëm sportiv në pronësi të Ministrisë së Mbrojtjes, jo shumë larg nga qendra e Tiranës, ku sot janë ngritur 17 kulla.