Policia e AUV-i inspektojnë disa depo në Prishtinë, asgjësojnë 2 mijë kilogramë mish pa afat

Policia në bashkëveprim me Agjencinë e Ushqimit dhe Veterinës kanë asgjësuar 2 mijë kilogram mish me afat të skaduar në Prishtinë.

Sipas policisë, gjatë kontrollit në disa depo të furnizuesve të mishit është hasur në produkte të mbajtura jashtë procedurave të ruajtjes dhe mall pa origjinë.

“Gjatë kontrollit  janë hasur produkte të mbajtura jashtë procedurave të ruajtjes, mall pa origjinë, afat të skaduar, të cilat janë konstatuar në lokacionet e inspektuara/kontrolluara, janë gjetur rreth 2000 kg (dymijë), mish dhe produkte të mishit me afat të skaduar, i cili është asgjësuar”, thuhet në raportin 24 orësh, transmeton Klankosova.tv.

Tutje, bëhet e ditur se me vendim të prokurorit rasti vazhdon të hetohet në procedurë të  rregullt.