“Të vras”, “E han plumbin” | Çifti e kërcënojnë njëri – tjetrin
![Plas sherri për një biçikletë: 40-vjeçarin e rrah një fëmijë, e bën për spital](https://podujevapress.net/wp-content/uploads/2023/10/510719-large.jpg)
Plas sherri për një biçikletë: 40-vjeçarin e rrah një fëmijë, e bën për spital
Mosmarrëveshjet për motive të ndryshme, e që shpeshherë dalin të jenë banale bëhen mollë sherri e kërcënimeve e përleshjeve mes të rinjve në vendin tonë. Për pasojë, konfliktet jo rrallëherë eskalojnë edhe në rrahje brutale, për çka nevojitet ndërhyja e Policisë, raporton Gazeta Sinjali.
Një rast i tillë ka ndodhur të hënën në fshatin Mirade e Epërme në Fushë Kosovë, por këtë herë një person i moshës madhore ka sulmuar fizikisht një 14-vjeçar.
Burimet e Sinjalit brenda Emergjencës kanë bërë me dije se viktima është dërguar në këtë qendër për trajtim mjekësor, si pasojë e goditjeve që ka pësuar.
Sinjali mëson se motivi i incidentit dyshohet të jetë një mosmarrëveshje momentale për një biçikletë, që e shtyri të dyshuarin të ushtrojë dhunë mbi të mituri.
Posa rasti është denoncuar, të njëjtat burime thonë se Policia ka intervenuar në vendin e ngjarjes, ku janë marrë informacionet e para për rastin.
Ndaj të dyshuarit që u arrestua, Prokurori i Shtetit ka urdhëruar masën e ndalimit policor dhe inicimin e rastit në drejtim të veprës penale “Lëndim i lehtë trupor”.