“Të vras”, “E han plumbin” | Çifti e kërcënojnë njëri – tjetrin
![Kurti: S’ka raport kredibil ndërkombëtar që s’e ka njohur përparimin tonë, gëzojmë besimin e 56% të qytetarëve](https://podujevapress.net/wp-content/uploads/2023/10/image-192-850x560.png)
Kurti: S’ka raport kredibil ndërkombëtar që s’e ka njohur përparimin tonë, gëzojmë besimin e 56% të qytetarëve
Kryeministri i Republikës së Kosovës, Albin Kurti, ka shkruar për arritjet e Qeverisë të cilën e udhëheq tash e dy vite e gjysmë, raporton Gazeta Sinjali.
Përmes një postimi në rrjetin social Facebook, Kurti ka thënë se Kosova është dëshmia e kohës se zhvillimi ekonomik dhe progresi demokratik mund të ecin krah për krah.
Sipas tij, nuk ka raport kredibil ndërkombëtar që s’e ka njohur përparimin e Kosovës në fusha të ndryshme.
“Kosova është dëshmia e kohës se zhvillimi ekonomik dhe progresi demokratik mund të ecin krah për krah. Nuk ka raport kredibil ndërkombëtar që nuk e ka njohur përparimin tonë në demokraci, në të drejtat e njeriut, luftim të korrupsionit, sundim të ligjit, dhe qeverisje të mirë këto dy vjet e gjysmë. Fillimisht, Raporti i BE-së për Vendin i vitit 2022 ishte më i miri që ka pasur Kosova deri më tani. Aty nuk kishte asnjë fushë pa progres të shënuar dhe asnjë fushë me regres të evidentuar. Transparency International në Indeksin e tyre të Perceptimit të Korrupsionit na ka renditur për 20 vende më lartë. Sivjet jemi në pozitën më lartë që kemi mbajtur ndonjëherë. Për 22 vende më lartë jemi renditur në Indeksin e Lirisë së Medieve, sipas Reporterëve pa Kufij. Në vitin e parë të qeverisjes kishim shënuar përmirësim rekord brenda një viti, duke u ngritur për 17 vende, kurse në vitin e dytë kemi arritur renditjen më e lartë ndonjëherë në këtë indeks. Pra, përmirësim i dyfishtë”, shkroi ai.
Më tej shefi i ekzekutivit ka përmendur edhe raportin e sivjetshëm të Freedom House, i cili renditi Kosovën të parën në Ballkanin Perëndimor, të dytën në Evropë dhe të tretën në botë sa i përket përmirësimit në të drejtat politike dhe liritë civile.
“E për përmirësim në të drejtat politike dhe liritë civile, raporti i Freedom House i këtij viti, renditi Kosovën të parën në Ballkanin Perëndimor, të dytën në Evropë dhe të tretën në botë. Për nga përmirësimi në fushën e sundimit të ligjit, të dytët në botë na rendit edhe raporti i Projektit të Drejtësisë Botërore, i cili për të dytin vit me radhë të qeverisjes sonë, e nxjerr Kosovën të parën në Ballkanin Perëndimor”, shkroi Kurti.
Kryeministri Kurti po ashtu ka thënë se Kosova është e para në Ballkanin Perëndimor edhe për Demokraci Elektorale dhe për rritjen e grumbullimit të të hyrave pa ndryshuar politikat fiskale.
“Të parët në Ballkanin Perëndimor për Demokraci Elektorale dalim edhe sipas vlerësimit të Institutit V-Dem. Njashtu edhe sipas raportit të vitit 2022 për sa i takon rritjes së grumbullimit të të hyrave, edhe atë pa ndryshuar politikat fiskale. Ndërkaq, sipas Bankës Botërore, Kosova krahas pakos mbështetëse më të madhe (si përqindje e BPV-së) në rajon për qytetarët në përballje me inflacionin dhe krizën energjetike, ajo pritet të ketë rritjen më të madhe reale ekonomike në rajon për tre vitet e ardhshme. Projeksione të njëjtë ka edhe Banka Evropiane për Zhvillim dhe Rindërtim, e cila thotë se vendi ynë pritet të ketë rritjen më të lartë ekonomike në Ballkanin Perëndimor për këtë vit dhe vitin tjetër. E një raport tjetër i Bankës Botërore, ai mbi Indeksin e Maturitetit të Teknologjisë, e ka ngritur Kosovën nga grupi C në atë B për fokus në qeverisje digjitale”, shkroi kryeministri.
Kurta tha se pas zgjedhjeve të 14 shkurtit, kur partia e tij fitoi 50.02% të votave, sot Qeveria gëzon besimin e 56% të qytetarëve.