“Të vras”, “E han plumbin” | Çifti e kërcënojnë njëri – tjetrin
![Plas sherri për parking, i riu kërcënon me thikë 49-vjeçarin](https://podujevapress.net/wp-content/uploads/2019/12/thike.jpg)
Plas sherri për parking, i riu kërcënon me thikë 49-vjeçarin
Mosmarrëveshjet mes personave të ndryshëm në Kosovë shpesh herë ndodhin për arsye banale. E ndër zënkat më të shpeshta janë ato për parkingje, ku shumë qytetarë hasin në telashe me njëri-tjetrin, raporton Gazeta Sinjali.
Një rast i tillë ka ndodhur dje në rrugën ’17 Shkurti’ në Fushë Kosovë, ku një person dyshohet se ka kërcënuar me thikë një tjetër.
Burimet e Gazetës Sinjali brenda prokurorisë kanë bërë me dije se 49-vjeçari ka kërkuar ndihmën e Policisë së Kosovës pas konfliktit për parking që pati me të dyshuarin. Ky i fundit dyshohet se në debat e sipër ka nxjerrë thikën që mbante me veten dhe me të njëjtën ka kanosur viktimën.
Njësitë policore kanë sekuestruar mjetin e mprehtë, ndërsa 21-vjeçari është shoqëruar në stacion policor për intervistim.
Me urdhër të prokurorit, të dyshuarit i është shqiptuar masa e ndalimit policor dhe i njëjti do të hetohet nën dyshimet për kryerjen e dy veprave penale ‘Kanosje’ dhe ‘Mbajtje në pronësi, kontroll ose posedim të paautorizuar të armës’.