Rrahje masive/ Dy persona i rrahën keq tre burra, të dyshuarit në arrati

Gazeta Sinjali raportoi sonte për një rrahje në mes pesë personave që ka ndodhur në rrugën “Konferenca e Bunjajt” në Gjakovë, ku si pasojë e përleshjes, tre prej tyre kanë kërkuar ndihmë mjekësore.

Të dyshuarit, të cilët ende nuk janë identifikuar nga organet e rendit, pasi kanë ushtruar dhunë ndaj tre personave të gjinisë mashkullore, janë larguar në drejtim të panjohur e për gjetjen e tyre tashmë janë vënë në lëvizje Policia e Kosovës.

Rastin për Sinjalin e ka konfirmuar zëdhënësi i Policisë për rajonin e Gjakovës, Sheremet Elezaj.

Sot rreth ores 14:00 në rrugën “Konferenca e Bunjajt” në Gjakovë, tre persona, meshkuj të moshës madhore kanë pësuar lëndime trupore pasi ishin sulmuar fizikisht nga dy persona, deri më tani të panjohur. Viktimave ju është ofruar trajnim mjekësor, ndërsa jemi në kërkim të të dyshuarve”, tha Elezaj.

Ndërsa, me urdhër të Prokurorit të Shtetit, rasti është iniciuar “Lëndim i lehtë trupor”.