Kalon në parim projektligji “problematik” për VV-në, Eman Rrahmani s’e voton

Projektligji për shëndet riprodhues dhe fertilizim të asistuar mjekësor ka kaluar në parim në seancën plenare të së mërkurës në Kuvendin e Kosovës.

Me 58 vota për është votuar ky projektligj, shkruan Gazeta Insajderi.

Pjesëmarrës në këtë votim nuk ka qenë deputeti i VV-së, Eman Rrahmani, i cili e ka kundërshtuar projektligjin.

Herën e kaluar që u hodh në votim ky projektligj nuk kaloi, për shkak të kundërshtimeve përbrenda VV-së.

Kujtojmë se përgjatë asaj seance pati një përplasje mes Rrahmanit dhe deputetes tjetër të VV-së, Saranda Bogujevci.