Policia njofton për dy persona të plagosur me armë zjarri brenda një dyqani në “Kodrën e Trimave”

Dy persona kanë mbetur të plagosur në lagjen “Kodra e Trimave” në Prishtinë.

Rastin për Klankosova.tv e ka konfirmuar zëdhnësi i Policisë së Kosovës për rajonin e Prishtinës, Agron Borovci.

Borovci potencoi se e gjjithë ngjarja ka ndodhur brenda një dyqani, teksa shtoi të lënduar janë dërguar në QKUK për trajtim.

Ai theksoi se dy persona janë arrestuar si të dyshuar në lidhje me ngjarjen.

“Rreth orës 19:45, është raportuar për gjuajtje me armë zjarri në lagjen “Kodra e Trimave” në Prishtinë. Me të marrë informatën, policia ka dalë në vendin e ngjarjes dhe nga informacionet e para është bërë e ditur se ngjarja ka ndodhur brenda një dyqani dhe për pasojë dy persona kanë marrë plagë nga arma e zjarrit”, u shpreh Borovci.

“Ndërkohë që të lënduarit janë dërguar në QKUK për trajtimin e nevojshëm mjekësor, policia ka vazhduar me veprime të tjera operativo-hetimore dhe atyre të ekzaminimit me ç’ rast ka gjetur dhe sekuestruar edhe një armë zjarri. Dy persona janë arrestuar nga policia nën rrethana që ndërlidhen me ngjarjen, ndërkaq vijon puna për identifikimin e personave të tjerë të implikuar në rast si dhe zbardhjen e plotë të rrethanave të ngjarjes”.