Shpërthim masiv në Serbi, numër i madh i të lënduarve (Video)

Një shpërthim masiv ka ndodhur në Kragujevac të Serbisë, gjegjësisht në Byronë e Riparimit Teknik në këtë vend. Nga shpërthimi raportohet se 14 persona kanë marrë djegie trupore

Lajmin e ka bërë të ditur agjencia e lajmeve serbe “Beta”, e cila ka raportuar se 14 persona deri më tani janë të plagosur, transmeton Express.

Një zëdhënës i ndihmës së shpejtë kishte thënë për këtë agjenci se “shumë trupa të lënduar po na vijnë për mjekim”.

Instituti për Shërbimet Mjekësore dhe Emergjente në Kragujevac, deri tani ka marrë 14 të plagosur për mjekim dhe thuhet se të gjithë kanë marrë plagë të djegies.

Shpërthimi ka ndodhur rreth orës 13:45 minuta në Byronë e Riparimit Teknik në Kragujevac gjatë një operacioni për çmontimin e municioneve.

Shefi i Sektorit për situata të jashtëzakonshme në këtë qytete, Dragos Radovanovic ka thënë se nuk ka arsye që banorët të evakuohen pasi është shmangur rreziku i mëtejmë.