Nesër mblidhet Qeveria!

Qeveria e Kosovës nesër do të mbajë mbledhjen e radhës të kryesuar nga Kryeministri i vendit Isa Mustafa.

Sipas një njoftimi të zyrës së Kryeministrit të dërguar mediave, kjo mbledhje pritet të mbahet në ora 09:00, ndërkaq arsya e kësaj mbledhje nuk bëhet e ditur, raporton GazetaBlic.com

Por bazuar në rrethanat në të cilat ndodhet vendi, temë e këtij takimi mund të jetë çështja e Demarkacionit, me saktësisht projektligji i marrëveshjes për demarkacion me Malin e Zi i cili pritet të riprocedohet në Kuvend për miratim në fillim të muajit mars nga ekzekutivi.

Rikujtojmë se marrëveshja për Demarkacion me Malin e Zi është një prej çështjeve më problematike në vend, kjo pasi që rreth saj janë ngritur dilema të shumta në aspektin e saktësisë së saj. E për të qartësuar një gjë të tillë Kryeministri i Kosovës Isa Mustafa ka angazhuar një Komision të përbërë nga ekspertë të disa fushave për matjen e territorit të Kosovës, por as raporti i këtij Komisioni nuk i ka heshtur zërat kundër kësaj çështjeje.

Ndryshe marrëveshja për shënjimin e pikës kufitare me Malin e Zi, është e ndërlidhur edhe me liberalizimin e vizave, kjo pasi që BE-ja e ka vendosur si kriter atë./GazetaBlic.com