E rëndë: 30-vjeçarja tenton t’i jap fund jetës duke u varur, dërgohet me urgjencë në spital

Dhuna në familje, kushtet e jetesës, rrethanat ekonomike, e depresioni shpesh janë vlerësuar shkaktarë që kanë çuar drejt vetëvrasjes e tentimit për ta kryer këtë akt. Familjet janë ato që i përjetojnë jashtëzakonisht rëndë këto raste dhe janë me fat kur arrijnë t’i shpëtojnë familjarët, raporton Gazeta Sinjali.

Kështu ka ndodhur edhe në një familje në Prizren, ku një vajzë 30-vjeçare deshi t’i jap fund jetës së tij, duke u varur në shkallët e shtëpisë e tyre.

Për pasojë, viktimës i është përkeqësuar gjendja shëndetësore dhe është dërguar me urgjencë në Spitalin Rajonal të Prizrenit.

Burimet brenda Emergjencës kanë njoftuar se viktima është pranuar në këtë qendër ku po trajtohet dhe fatmirësisht është jashtë rrezikut për jetën.

Sinjali mëson se Policia është njoftuar për rastin nga spitali dhe më pas një njësi policore ka dalë në vendin e ngjarjes për të marrë informacionet e para se si ka ndodhur ngjarja.

Me urdhër të Prokurorit të Shtetit, rasti është iniciuar ‘Vetëvrasje në tentativë’ dhe kanë nisur hetimet që zbardhin motivet dhe rrethanat e ngjarjes.