Valmir Veliu rikthehet te Llapi

Sulmuesi Valmir Veliu është rikthyer te skuadra e Llapit, pas karrierës jo të suksesshme në Turqi.

Lajmin për kthimin e Veliut e ka konfirmuar drejtori sportiv i Llapit, Mentor Zhdrella.

Veliu ka shkëputur kontratën me ekipin e Superligës së Turqisë, Gaziantep, që i skadonte në vitin 2025.

23-vjeçari ishte më herët pjesë e Llapit, ekip me të  cilin e ka fituar dy herë Kupën e Kosovës.

Këtë edicion, Veliu ka pasur vetëm tri paraqitje apo 26 minuta lojë në Superligën e Turqisë. Madje, këtë muaj, Gaziantepi nuk e futi në listën e lojtarëve që do të paraqiten në kampionat.