Punëtorin e kompanisë “Pastrimi” e rrahin e bëjnë për spital

Kompania “Pastrimi” ka njoftuar se një nga punëtorët e saj është sulmuar gjatë ditës së sotme në Bardhosh të Prishtinës.

Sipas njoftimi, largimi i mbeturinave nuk është kryer si pasojë e këtij sulmi dhe rasti është denoncuar në Polici.

“Kompania “Pastrimi”, Sh.A Njësia Operuese Prishtinë, njofton banorët e lagjes në Bardhosh se shërbimi i largimit të mbeturinave tek një pjesë e kësaj lagjeje e përcaktuar për ditën e sotme nuk është kryer si pasojë e një sulmi fizik ndaj punëtorit të kompanisë sonë. Sulmi ndaj punëtorit ka ndodhur gjatë largimit të mbeturinave në këtë lagje nga një person i pa përgjegjshëm”, thuhet në njoftim.

Nga kompania e kanë dënuar rëndë sulmin ndaj punëtorit dhe po ashtu njoftoi se përveç sulmit të sotëm, punëtorët e terrenit shpeshherë injorohen dhe ofendohen padrejtësisht nga një pjesë e shoqërisë.