Lojërat Mesdhetare të vitit 2030 do të mbahen edhe në Podujevë në këto vende |Dokument

Stadium në Bërnicë, stadiumin “Zahir Pajaziti” në Podujevë, pishina të reja, krejt çka premtoi Kurti në Kretë për Lojërat Mesdhetare

Kosova e fitoi së fundmi të drejtën e organizimit të Lojërave Mesdhetare të vitit 2030, një garë prestigjioze multi-sportive kjo, më prestigjiozja e mbajtur ndonjëherë në vendin tonë.

Ndonëse nuk pati kundër-kandidate, Kosova e kaloi me sukses procesin, duke e pasur parasysh se i kishte disa pengesa, përfshirë këtu edhe kundërshtimin e madh të Serbisë.

“Gazeta Express” e ka siguruar ekskluzivisht dosjen e kandidaturës së “Prishtina 2030” për mikpritjen e Lojërave Mesdhetare.

Me 55 vota pro, 8 kundër dhe 3 vota të pavlefshme, “Prishtina 2030” e mori dritën e gjelbër për të qenë organizatore e këtyre Lojërave pas shtatë vjetësh nga tash.

E në Podujevë do të ndërtohet një palestër e re sportive, e ngjashme me të lartpërmendurat, me një kapacitet prej 1800 ulësesh, që po ashtu do të shërbejë për sporte të ndryshme.

Për sportin e vozitjes me varka do të shërbejë Liqeni i Batllavës, i cili do t’i adaptohet kësaj gare, ndërsa do të ketë kapacitet prej 1500 ulësesh dhe gjendet 26 kilometra nga Fshati i Sportistëve në Prishtinë.

Hapja zyrtare e Lojërave Mesdhetare më 22 korrik e mbyllja më 8 gusht 2030

Hapja zyrtare e Lojërave Mesdhetare “Prishtina 2030” do të bëhet më 22 korrik 2030 dhe mbyllja më 8 gusht të po atij viti.

Objektet sportive ku do të mbahen garat e “Prishtina 2030”

Po ashtu, janë cekur edhe objektet sportive ku do të mbahen këto evente:

Atletika do të mbahet në stadiumin “Adem Jashari” në Mitrovicë;

Volejbolli në hallën e sporteve “Bashkim Selishta” në Gjilan;

Vozitja me varka në Liqenin e Batllavës; Hendbolli në hallën e sporteve “Bill Klinton” në Ferizaj;

 Gjuajtjet me hark në Drenas; Lundrimi në Durrës;

Futbolli në stadiumin “Fadil Vokrri” në Prishtinë, në stadiumin e Gjilanit, në stadiumin e Hajvalisë,

në stadiumin e Gjakovës dhe

në stadiumin “Zahir Pajaziti” në Podujevë;

Bowls në Parkun Nacional të Gërmisë në Prishtinë;

Hendbolli në hallën e sporteve “Minatori” në Mitrovicë, Xhudoja në Qendrën Nacionale në Pejë;

Noti nën ujë në Kompleksin e Pishinës Olimpike në Prishtinë;

 Gjimnastika në Pallatin e Rinisë dhe të Sporteve në Prishtinë;

Volejbolli në hallën e sporteve në Podujevë dhe në Pallatin e Rinisë dhe të Sporteve në Prishtinë, Çiklizmi në Tour of Kosova;

Tenisi në Kompleksin e Tenisit në Prishtinë;

Mundja në hallën e sporteve “Sezai Surroi” në Prizren, Loja me shpata dhe Peshëngritja në hallën e sporteve “Shani Nushi” në Gjakovë,

Qitja në Qendrën e Qitjes në Skenderaj dhe

Basketbolli 3×3 në Qendër të Qytetit të Prishtinës.