Alarmojnë edhe nga Sindikata e Shërbyesve Civil: Kemi informata se numër i madh i shërbyesve civil duan ta lënë punën

Përveç infermierve dhe stafit të arsimit që synojnë ta lënë punën dhe të largohen nga Kosova, këtë e synojnë edhe punëtorët e administatës shtetërore, ku shkak janë pagat e ulëta.Në një prononcim për Gazeta Blic, Kryetari i Sindikatës së Shërbimit Civil të Kosovës, Mursel Zymberi, ka thënë se kohëve të fundit ka filluar që të ketë rënie të interesimit për punësim në administratën shtetërore, për faktin se me ligjin e pagave i cili tashmë është në fuqi është diskriminuar tejmase shërbimi civil në përgjithësi.

“Në bazë të zhvillimeve të fundit, po vërehet se ka filluar të bie interesimi me të madhe për punësim në administratën shtetërore për faktin se me ligjin e pagave tash të miratuar së fundmi në Kuvendin e Kosovës dhe i cili tash është në fuqi, është diskriminuar tejmase shërbimi civil në përgjithësi dhe është niveli më i ulët i pagave, më i ulët i mundshëm pavarësisht efiksasitetit dhe profesionalizimit të treguar deri me tani në shtet ndërtim”, tha Zymberi për Gazeta Blic.Tutje ai thotë se një numër i madh i profesionistëve në shërbimin civil janë të interesuar ta lëshojnë vendin e tyre të punës, për të kërkuar diku tjetër zgjidhje më të mirë.

Zymberi thotë se interesimi është i madh që të largohen nga Kosova pasi që më këtë nivel të pagave tashmë edhe sektori privat i ka shkelur me masë të madhe. Kur krahason pagat e një menaxheri ose udhëheqesi institucionesh me pagat e sektorit privat, dhe nuk e sheh të arsyeshme që njerëzit në moshë të re të mbesin të punësuar në administratën shtetërore.“Përveç mjekeve dhe profesionisteve te tjerë te cilët janë duke shikuar mundësinë për te kërkuar pozita dhe punë më të mirë, paga më të mira, unë po e vërej dhe kam informata se një numër i madh i profesionisteve në shërbimin civil janë të interesuar me e lëshu vendin e tyre të punës dhe me kërku diku tjetër zgjidhje më të mirë. Kjo përvec lëvizjeve të brendshme brenda administratës publike të vendit, interesimi është më i madh që të largohen fare nga Kosova sepse me këtë nivel të pagave tashmë edhe sektori privat na ka shkel me masë të madhe, aq shumë saqë edhe udhëheqësi ose menaxheri i një institucioni nuk e ka pagën më të ulët se të një sektori privat.  Prandaj, cila është arsyeja për disa njerëz që janë në moshë më të re me mbet të punësuar në adminsitratën publike të vendit”, u shpreh ai.

Zymberi thotë se nuk ka një shifër të sakë se sa punëtorë janë larguar nga vendi i punës, apo janë të interesuar të largohen, por thotë se vërehet një zhgënjim i madh pasi që fare nuk pati lëvizje në paga. Sipas tij, edhe inflacioni ka ndikim pasi që me një pagë 380 euro në sektorin publik, nuk mund ta mbash as vetën se leje më familjen.“Realisht shifër të saktë ne nuk kemi, por që vërehet një zhgënjim i madh sepse përveç inflacionit të madh edhe lëzivje në paga nuk pati fare ta marrim shembull vlera e koeficientit profesionist dy dhe tre është në pikën në të cilën ka qenë edhe para tri viteve dhe inflacioni e ka bërë të vetën dhe me 380 euro pagë në sektorin publik, me një përgjejgësi çfarë kërkohet të jetë në sektorin publik nuk mund t’ia del askush as edhe vetveten ta mban e mos të flasim edhe për përgjegjës të familjeve, tha Zymberi për Gazeta Blic.