U mbajt mbledhja e tretë e KKSB-së në Podujevë, reagim i ashpër i përfaqësuesit të shoqërisë civile

Nën udhëheqjen e Kryetarit të Komunës, Shpejtim Bulliqi u mbajt mbledhja e tretë e Këshillit Komunal për Siguri në Bashkësi(KKSB) për vitin 2023. Gjatë kësaj mbledhje u analizuan mbarëvajtja e rendit dhe qetësisë publike, rastet e dhunës në familje dhe situata e përgjithshme e sigurisë në Komunën e Podujevës, thuhet në njoftimin e zyrës për informim, transmeton PodujevaPRESS.net

Mirëpo me anë të një statusi ka reaguar Shemsi Jashari nga shoqëria civile në Podujevë.

Jashari ka thënë se ky është gjest i ulët, Komuna e Podujevës zyra për informim në komunikatat zyrtare, është duke e cenzuruar në maksimum përmbajtjën e diskutimeve në KKSB. Duke mos përmendur anëtarët tjerë të KKSB, që kanë diskutuar, konkretisht diskutimet e përfaqësuesit të shoqërisë civile, që përbëjnë shumicën e kohës së diskutimeve(procesverbalet e dëshmojnë ketë)

Ky është postimi:

Gjest i ulët, Komuna e Podujevës zyra për informim në komunikatat zyrtare, është duke e cenzuruar në maksimum përmbajtjën e diskutimeve në KKSB. Duke mos përmendur anëtarët tjerë të KKSB, që kanë diskutuar, konkretisht diskutimet e përfaqësuesit të shoqërisë civile, që përbëjnë shumicën e kohës së diskutimeve(procesverbalet e dëshmojnë ketë)

 Kjo sepse puna e komunës në aspektin e sigurisë, është dështim total.

Ska plan të Reagimit Emergjent, ska vlerësim të projekteve nga aspekti i sigurisë, ska parkingje për përsona me aftësi të kufizuara, ska trotuare të lira, ska shkallë emergjente në shumicën e objekteve, ska plane të evakuimit, ska trajtim të qenve endacak,  ska ,ska,ska,ska… shume tjera.

Këto dhe jo vetëm këto, janë tema të diskutimit nga ana jonë e të cilat zyra e partisë shtet po i fshehë.

Ju edhe mund ti fshini në komunikata shqetësimet tona, por s’mund ti fshehni nga qytetarët, sepse ata jetojnë me këto probleme, vuajnë nga këto probleme, e ju nuk bëni asgjë!!

Kemi kërkuar që të transmetohen mbledhjet e KKSB-së, për ta parë qytetarët se çfar po diskutohet dhe ende po refuzojnë, sepse i frigohen qytetarëve ta mesojnë realitetin.

Kjo sepse duan ta fshehin që siguria nuk është prioritet nga komuna.

 Për ta është e rëndësishme reklama, mashtrimi e jo përballja e zgjidhja e problemeve!

Webfaqja zyrtare e Komunës nuk është web i partisë, prandaj NUK duhet të keqpërdoret për propagand!

Jeni për turp!