Sërish kolona të gjata në Merdare, deri në kaq orë shkon pritja

Pika kufitare e Merdares është më e ngarkuara sa i përket fluksit të lëvizjeve.

Sipas Qendres për Menaxhim Kufitar të Ministrisë të Punëve të Brendshme, pritjet e mërgimtarëve për të dalë nga Kosova, shkojnë deri në 340 minuta apo (pesë orë e 40 minuta).

Gjatësia e kolonës së veturave shkon deri në një kilometër e 200 metra, derisa për të hyrë në vendin tonë, pritjet janë deri në 200 minuta apo (tre orë e 20 minuta).

Më pak e ngarkuar paraqitet situata tek Dheu i Bardhë. Aty për të dalë nga Kosova pritjet zgjasin deri në një orë.