Vdes mamia llapjane Sanije Topanica, iu ndihmoi grave në lindje gjatë luftës
Kurti publikon foto nga inspektimi i punimeve që bëri pas mesnatës në rrugën Prishtinë-Podujevë
Kryeministri Albin Kurti ka inspektuar mbrëmë pas mesnatës punimet që po bëhen në rrugën Prishtinë-Podujevë.
Disa pamje nga vizita i ka publikuar në Twitter, ku ka thënë se janë bërë investime rekord në infrastrukturë në tremujorin e dytë të këtij viti, shkruan Gazeta Online Reporteri.net.
“Pas mesnatës së mbrëmshme, shteti ishte i zgjuar – dhe në punë të vështirë. Ndërtimi ka vazhduar me shpejtësi në rrugën Prishtinë-Podujevë. Kosova është e freskët pas investimeve rekord në infrastrukturë në tremujorin e dytë. Megjithatë ka ende shumë më tepër që do të ndërtojmë së bashku”, ka shkruar Kurti.
Ndryshe, para tri ditësh, Kurti është takuar me pronarët e kompanive që ndërtojnë rrugë, të cilëve u kërkoi që të ekzekutojnë punët edhe gjatë natës, gjatë stinës së verës.
