Ministrja Albulena Haxhiu bashkë me drejtoreshat Stublla dhe Ejupi vizituan Qendrën për Punë Sociale në Podujevë

Sot gjatë ditës, Drejtoresha e Shëndetësisë dhe Mirëqenies Sociale, Adelina Stublla dhe Drejtoresha e Administratës, Antoneta Ejupi kanë pritur në takim Ministren e Drejtësisë, Albulena Haxhiu, të cilat bashkarisht vizituan Qendrën për Punë Sociale në Podujevë, thuhet në njoftimin e komunës së Podujevës, transmeton PodujevaPRESS.com

Gjatë këtij takimi është diskutuar për mbarëvajtjen e punës në QPS, sfidat, organizmin e shërbimeve sociale dhe bashkëpunimin insitucional në ngritjen e cilësisë së shërbimeve që ofrohen në këtë qendër.

Në këtë rast, Drejtoresha Stublla dhe Ministrja Haxhiu  u dakorduan për bashkëpunim më të ngushtë në mes të dy institucioneve, me qëllim të ngritjes së cilësisë së shërbimeve të ofruara nga QPS.

Ndërkaq, Ministrja Haxhiu dhe Drejtoresha Stublla i përgëzuan stafin e QPS-së për punën e mirë që po e bëjnë në ofrimin e shërbimeve sociale për qytetarët llapjanë, si dhe i siguruan ata për ngritjen dhe avancimin e kushteve të punës.