Memli Krasniqi viziton degën e PDK-së në Podujevë, ku priti edhe anëtarë të ri që ju bashkuan këtij subjekti |Foto

Dje, Kryetari Memli Krasniqi ka takuar struktura dhe aktivistë të shumtë në Podujevë, të gatshëm e të përkushtuar për fuqizimin dhe rritjen e PDK-së, thuhet në njoftimin e kësaj partie, transmeton PodujevaPRESS.net

Në këto takime, dhjetëra llapjanë, për herë të parë u anëtarësuan në Partinë Demokratike të Kosovës.

Profile nga të gjitha moshat dhe të profesioneve të ndryshme, u zotuan që do të japin kontributin e tyre të parezervë për partinë,  shoqërinë dhe shtetin tonë – posaçërisht në këtë periudhë të sfidave të shumta sociale e ekonomike.

Ky besim i madh i qytetarëve, para se gjithash, tregon se PDK është në rrugën e duhur të ngritjes dhe fuqizimit të saj edhe në Podujevë.

Kryetari Krasniqi vlerësoi punën e madhe që po bën Kryesia e re në Degën e Podujevës, derisa, të anëtarësuarve të ri, u premtoi hapësirën dhe mbështetjen e vazhdueshme në rrugën e re të aktivizmit politik.