Përleshja brutale në Halabak të Podujevës, shoqërohet në Polici edhe imami i emëruar nga BIK-u

Gazeta Sinjali pak më parë raportoi për një përleshje brutale që ka ndodhur mes disa personave në fshatin Halabak të Komunës së Podujevës, ku një person ka pësuar lëndime të rënda trupore.

Burimet e Gazetës Sinjali kanë bërë me dije se rrahja ka ndodhur te xhamia e fshatit dhe sipas informacioneve të para, i gjithë motivi që shtyu të eskalojnë në dhunë fizike, është pakënaqësia që kanë me emërimin e imamit nga Bashkësia Islame e Kosovës në Podujevë.

Viktima që ka pësuar lëndime si pasojë e rrahjes ka marrë tretman mjekësor në Emergjencën e Qendrës Kryesore të Mjekësisë Familjare në Podujevë, ndërkohë që në Polici janë shoqëruar shtatë persona, përfshirë imamin e xhamisë.

Ndërkohë, Sinjali ka siguruar edhe pamjet e rënda të viktimës i cili ka pësuar nga rrahja.