ARKIVË: Ja si trajtoheshin sëmundjet nga mjekësia popullore në LLap para shumë viteve!

Sëmundja është e vjetër sa edhe vet njeriu. Njeriut ndër vite të ekzistencë i është dashur të orvatej me sëmundjen, ndërsa për aleat e ka pasur përvojën dhe dijen e vet, transmeton PodujevaPRESS.

Disa nga sëmundjet e përhapura në popullatë asaj kohe trajtoheshin sipas metodave të vjetra të mjkësisë dhe barnave popullore, ndërsa PodujevaPress do të përcjell disa prej tyre.

Kështu trajtoheshin disa prej  sëmundjeve:

MAJASËLLIN( i njohur si Majasili): Asaj kohe dyshohej se kjo sëmundje shkaktohej nga disa lloje të ushqimeve të cilat aktivizoni këtë sëmundje, e ato ishin: fasulja dhe specat djegës andaj edhe kërkohej të hiqej dorë nga konsumimi i tyre.

Po ashtu të fromat e rënda të majasilit praktikohej zënia e iriqit, zierja e tij, dhe më pas uji-lëngu I liruar të konsumohej për pije disa ditë, dhe të praktikohej në disa faza përsëritëse.

INFEKSIONET E LËKURËS: Për këtë lloj të sëmundjes janë përdorur shpesh kombinimi i kripës me qepë. Në plagën e lëkurës është vënë një sekull (barishtë)  e pjekur dhe e lyer me maze lope, po ashtu edhe të ashtuquajturat uthullat e lëpurit janë praktikuar.

REUMATIZI (e njohur në popull si REUMA): Janë përdoruar praktika të ndryshme siç janë, fjetja dhe qëndrimi mbi fletë shelgjesh, apo paritjet me qeremide të krijuara prej dheut dhe baltës.

DHIMBJET E VËSHËVE TË FOSHNJAVE: Te këto raste është përdorur qumshti i gjirit nënës, ku janë vendos disa pika në veshin e sëmurë.

(Redaksia e portalit informativ PodujevaPRESS ka përmbledhur pjesë të shkrimeve për jetën e popullatës llapjane ndër vite, nga punime të ndryshme shkencore. Qëllimi i këtij shkrimi është të dalin në dritë informata dhe brezat e rinj llapjanë të din më shumë për jetën dhe zakonet e banorëve të kësaj treve, ndërsa foto në këtë shkrim është ilustrative pasi që mungonte një foto e atij momenti)

Bëje LIKE faqen PodujevaPRESS për tu njohur me lajmet e fundit nga Podujeva: KLIKO KËTU